Juli 2019: "Hallo Mia, letscht Sa ischs scho sächs Monät här gsi, dass mir bi dir üse Tiaro abghout hei 😃. Ä 🐶 mit viu tämpramänt, aber sehr lieb. Mir si immer no sehr happy mit ihm u absolut überzügt, für üs dr richtig 🐶 dsha. Immer nume eifach ischs nid. Är het rächti pupertäri Phase hingersech, aber us jedere gömer mit positive Erläbnis use. Hundeschueu fingter toll, är macht guet mit, solang öppis louft. Wener muess warte, wird är sehr schnäu zum A.... loch 😏. Aber äs besseret 😅. Vore Wuche isch d'Hundetrainere nach Kämpf mit ihm a dä Oberarme rächt blau gsi 😂. Isch aber ihre Fähler gsi 😁.

Är isch ä totale Tollpatsch, mir si froh, heimer iz doch äs paar Wuche ohni Tierarzt hingeris. Wener nid weiss, wie blöd tue (chunnt öfters vor), macht ihm mängisch sis Problemchnöi ds schaffe. De isch haut chli Schongang agseit.
Vor drei Monät hetersech im Waud ä Ascht 8 cm töif i sini vorderi Schutere inegrammt, uf dr Jagt nacheme Vogu. Het du müesse operiert wärde u mir mängi schlaflosi Nacht bereitet, mit Gedanke, wies o hätt chönne ga 😢. Aber är isch zwäg u fit, dür das o mir wieder chli meh, u längwilig wirds üs mit ihm nid, är isch scho chli ä Clown 😄. Wemer mau ir nechi si, wärde mir üs sicher mäude. Häb ä gueti Zit, vilech bis gli,

liebi Grüess Doris u Family mitem Tiaro"